LeoClub de 5º a voltas coa cortadora láser!!!

 O 18 de febreiro, Xornada de portas abertas para familias e nen@s que se achegan a coñecernos, estábase achegando e entón o superequipo do LeoClub de 5º xuntáronse para...

PREPARAR UN PEQUENO AGASALLO PARA OS POSIBLES FUTUROS ALUMN@S DO NOSO SUPERCOLE!!!

Para elo botamos man da cortadora láser (Mr Beam para os amigos) e cunha sinxela explicación puxémonos mans á obra...

O resultado foi marabilloso!!!

Quedaba darlle o toque final!!!

Eeeee... TACHÁN!!!

Non pode haber mellor carta de presentación que algo feito polo noso alumnado, con tanto agarimo e boa disposición!!!

GRAZAS POR COLABORAR EQUIPO!!!

Biblioteca creativa e PDI

Hoxe queremos mostrar aquí os diferentes traballos que se están realizando nas aulas relacionados co PDI deste ano que xa sabedes que trata sobre o espazo e que leva por título "Universo Seixalbo". Nalgunhas clases fixeron traballos sobre o sistema solar, noutras sobre as constelacións, fixéronse foguetes en todas as aulas, etc... Leo que aínda está polo espazo ten que estar ben contento co que están a traballar todos os nenos e nenas. A biblioteca creativa non ten límites!  Deixamos fotos para que vexades os diferentes traballos.

Na clase de sexto de infantil fixeron un SISTEMA SOLAR pintando esferas para facer os planetas e os pegaron nun panel no que fixeron as diferentes órbitas.

Tamén nesta clase estiveron a falar do sol, do que fixeron unha manualidade.

Outro traballo que fixeron os nenos e nenas de 5 anos foi sobre as constelacións. Primeiro falaron sobre elas e aprenderon algúns nomes e logo as fixeron con plastilina e palillos sobre cartulina negra. Así de bonitas quedaron. Na biblioteca temos varios libros que falan sobre as constelacións que lles serviron de guía. Aquí volos amosamos xunto coas constelacións que fixeron.

Nas clases de 2º tamén traballaron sobre o Sistema Solar e expuxeron os seus traballos na parede das escaleiras.

Os nenos e nenas de quinto fixeron foguetes moi orixinais aos que lles puxeron nome e os acompañaron da información correspondente acerca d eUrano o planeta ao que viaxarán eses foguetes

Tamén cada aula fixo o seu foguete. Están todos expostos na biblioteca.