SÍMBOLO FEMININO EN 3D

No Club de Lectura de 6º estivemos a ler o gran libro de Saínza a Punkiereteira.

SAÍNZA, a nosa personaxe PUNKIERETEIRA, non nos deixou indiferentes como tampouco o fixeron ás súas amigas. 

A nosa sesión cadrou o 26 de Novembro (día seguinte ao 25N) polo que analizando a trama do noso libro, cantando a canción do grupo que formaron a nosa protagonista e as súas amigas, tocando a pandeireta... podemos dicir que foi unha sesión de EMPODERAMENTO e DIVERSIÓN.

Tivemos tempo de usar a impresora 3D para facer "O NOSO SÍMBOLO".

Tamén comezamos a deseñar un MURAL para dar a coñecer á nosa protagonista  e ás súas amigas ao resto do alumnado do centro.

Finalmente tamén fixemos o reparto de nosa seguinte aventura en forma de teatro "O maquinista Antón"

Seguro que vai a quedar xenial!!!

Teredes novas!!!

A nosa produción non para.

Este ano sacámoslle o máximo rendemento a nosa formación e, como xa viñamos facendo, aproveitamos para agasallar, a quen amablemente visita o noso centro, cun detalliño "made in o cole de Seixalbo" .

Aquí vos deixo unha pequena mostra:

Marcapáxinas personalizado para Anxo Iglesias, 

en agradecemento a súa visita para aproximar a súa paixón pola poesía ao noso alumnado.

Marcapáxinas para os integrantes da Agrupación folclórica "Suasairas", que se achegaron ao noso centro para homenaxear ás cantareiras e pandereteiras con motivo das Letras Galegas.

Chaveiros para os 6 integrantes do Equipo "Universo Seixalbo" pola súa participación no desafío CanSat. 

                 

Soles para o alumnado que se gradúa este ano en Educación Infantil.

Facendo pandeiretas 3D para celebrar a Letras Galegas.

 Como xa tod@s sabedes, este ano a Letras Galegas teñen como obxectivo honrar a aquelas mulleres que dedicaron a súa vida a por en valor a música tradicional galega, empregando a súa voz e as pandeiretas, como principais acompañamentos musicais, representadas na figura das cantareiras.

Por este motivo, e aproveitando a xenerosidade da nosa compañeira de @a-fiesre-da-mestra, que compartíu un arquivo para facer unhas marabillosas pandeiretas en 3D, puxémonos mans a obra e ,dende os máis pequenos ata os maiores, puideron  coñecer o funcionamento da impresora 3D e elaborar  as súas propias pandeiretas, que logo levarían en forma de imán para as súas clases e para as súas casas tamén.

 Todo un éxito.

Lanzamento do noso Cansat

O pasado 23 de abril o Equipo do Cansat do "Universo Seixalbo" viaxou a Cerceda para lanzar o satélite no que traballaron ao longo de moitas semanas e foi moi emocionante comprobar como surcaba os ceos. Despois de tanto traballo coa profe Mari aos mandos do proxecto, o resultado non puido ser mellor, xa que o paracaídas abriuse e recuperouse o Cansat intacto. Toda unha experiencia marabillosa tanto no proceso como na xornada do lanzamento. Neste breve vídeo podedes ver un resumo da actividade.

Equipo Cansat "Universo Seixalbo"

O Cansat recuperado
colga xa na nosa biblioteca

Agasallos creativos, personalizados e con moito agarimo

Non se pode dicir que non lle estemos sacando rendemento á cortadora láser, e por suposto a formación recibida pola relatora do noso PFPP Patricia Pérez, grazas pola túa axuda e paciencia. 

              O caso é, que nos puxemos mans a obra e unha vez que collemos confianza con ela, entendemos as moitas posibilidades que nos ofrecía o seu uso. Comezamos facendo deseños sinxelos, pero pronto nos demos conta de que podiamos facer pezas únicas, personalizadas e moi especiais. Pezas que se converteron nun agasallo especial para algunhas  das  persoas que se achegan a colaborar co noso centro, xa que están feitas pensando en cada un deles ou delas.

Agardamos que a todos e todas lles ilusionase tanto recibilas como a nós facelas!😊

Paquita e Nicanor, as figuras protagonistas do entroido de Seixalbo, quedaron gravadas nunha plaquiña de madeira que lle entregamos ao presidente da Asociación de veciños.

Para Rita Doallo un colgante co papagaio, un dos personaxes do seu conto "Que enleada coa piada".

Para Sandra Lois Pájaro, a monitora do Obradoiro de Lettering, un bonito e artístico colgante de recordo do seu paso polo noso cole.

Estes musicais e orixinais deseños, convertéronse en chaveiros para os nosos nenos e nenas do coro como premio ao seu esforzo e traballo durante os recreos para poder participar en Ourencanto.

Chaveiro en filetro e chapas para Pablo Nogueira autor de "Ringo, memorias dun coello fedello"

Medallón gravado en cartón. Agasallo para todos os nenos do cole de Leo, a mascota da biblioteca.

Este paracaídas foi coser e cantar. 🪂

 O equipo do Desafío CanSat, avanza cara ó lanzamento do noso satélite. 

Para iso, precisamos dun paracaídas que asegure o descenso do canseiro san e salvo, e así poder recoller os datos rexistrados pola microBit.

Nesta ocasión, os participantes tiveron que empregar a cortadora láser para facer o patrón, que lles serviría de guía para cortar os oito lóbulos dos que consta o paracaídas, para logo recortalos e coselos. ✂

Para esta labor, contamos coa valiosísima axuda da profe Yolanda, experta costureira sen a que non seriamos quen de facelo. Pero grazas a ela, e ao bo facer deste SUPEREQUIPO, quedoulles un paracaídas precioso.😍

Este é o resultado final, pero se queredes ver todo o traballo deste marabilloso grupo, tendes que ver o vídeo que vos deixo a continuación.